काठमाडौं । नेपाली खेलाडी प्रशंसा मोक्तानले प्रथम कतार एसियाली जुनियर यु–१४ टेनिस प्रतियोगिताको सर्किट– १ मा दुई रजत पदक जितेकी छन् ।
कतारको दोहास्थित खलिफा इन्टरनेसनल टेनिस एन्ड स्क्वास कम्प्लेक्समा भएको प्रतियोगितामा प्रशंसाले सिंगल्स र डबल्समा रजत जितेको प्रशंसाका पिता शुलभ मोक्तानले जनाएका छन् ।
प्रशंसा फाइनलमा रुसकी एलेक्जेन्ड्रासंग ६–३ र ६–१ ले पराजित भइन् । डबल्समा प्रशंसाको पार्टनर साफिया अल थानी थिइन् ।
सर्किट– २ सोमबारदेखि सुरु हुँदैछ । सर्किट– २ मा पनि प्रशंसा खेल्दैछिन् । प्रशंसा नेपालबाट सहभागी एक्लो खेलाडी हुन् ।
-1732534788.jpg)
