एजेन्सी । इन्डियन प्रिमियर लिग (आईपीएल) को टिम चेन्नाई सुपर किङ्सका महेन्द्र सिंह धोनीले कप्तानी छाडेका छन् ।
चेन्नाईको सुरुवात देखी कप्तानी गर्दै आएका धोनीले आगामी संस्करणबाट कप्तानी नगर्ने भएका छन् ।
धोनीको स्थानमा चेन्नाईले रबिन्द्र जडेजालाई नयाँ कप्तानमा नियुक्त गरेको छ । उनलाई चेन्नाईले मेगा अक्सनबाट १६ करोड भारुमा रिटेन गरेको थियो ।
जडेजा सन् २०१२ देखि चेन्नाईबाट आईपीएल खेल्न सुरु गरेका थिए । सन् २०१६ र २०१७ को दुई संस्करण चेन्नाइलाई प्रतिबन्ध लाग्दा उनले अन्य फ्रेन्चाइजबाट आईपीएल खेले ।
१५ औं संस्करणको आईपीएल मार्च २६ बाट सुरु हुँदै छ । उद्घाटन खेलमा साबिको विजेता चेन्नाईले कलकत्ता नाइट राइडर्ससको सामना गर्ने छ ।
चेन्नाईको इतिहासमा जडेजा तेस्रो कप्तान हुन् । धोनी बाहेक सुरेस रैनाले केहि खेलमा चेन्नाईको कप्तानी गरिसकेका छन् ।
धोनीको कप्तानीबिना पुरै सिजन चेन्नाईले पहिलो पटक आईपीएल खेल्ने भएको छ ।
धोनीले चेन्नाईबाट २ सय ४ खेलमा कप्तानी गरेका छन् । धोनीको कप्तानीमा चेन्नाईले ४ पटक उपाधि उचालेको छ ।
-1738314938.jpg)
