नेपालमा हुने टी–ट्वान्टी सिरिज जित्ने मलेसियाको विश्वास 

काठमाडौं । मलेसिया क्रिकेट टिमका कप्तान अहमद फैजले नेपालमा हुने त्रिकोणात्मक टी–ट्वान्टी सिरिज जित्ने विश्वास व्यक्त गरेका छन् ।

टियु क्रिकेट मैदानमा हुने सिरिजमा आयोजक नेपालसँगै मलेसिया र पपुआ न्यूगिनी (पीएनजी) को सहभागिता रहेको छ । 

टी–ट्वान्टी सिरिज मार्च २८ देखि अप्रिल ४ सम्म हुनेछ । 

अहमदले सिरिजका लागि मलेसियाले राम्रो तयारी गरेको तथा नेपाल र पीएनजीसँग खेल्न मलेसियाका खेलाडीहरु आतुर रहेको समेत बताए । 

मलेसियाका मुख्य प्रशिक्षक विलाल असादले सिरिजका लागि मलेसियाको टोलीमा पुराना तथा नयाँ रहेको जनाए । 

असादले पनि मलेसियाको लक्ष्य भनेको सिरिज जित्नु रहेको बताए । 

मलेसियाले सिरिजका लागि टोलीको घोषणा समेत गरेको छ । 

मलेसियाको टोलीः 
अहमद फैज, भिरनदिप सिंह, अहमद जुबैद, मोहमद नाजरिल रहमान, सयद अजिज, शारभिन मुनियन्डी, ऐनुल हाफिज, पवनदिप सिंह, मुहमद अमिर अजिम, विजय उनी सुरेश, मुहमद वाफिक इरफान, स्याजरुल इजात इद्रुस, अमर जुधि हजालान र मुहाद स्याहादात राम्ली ।