ब्याटर चल्ने आशा  

काठमाडौं । आईसीसी क्रिकेट विश्वकप लिग टु अन्तर्गतको त्रिकोणात्मक एकदिवसीय सिरिजका लागि यूएईमा रहेका नेपाली ब्याटरले आफ्नो खेल कौशल देखाउन सकिरहेका छैनन् । सिरिजको दुई खेलमा नेपालका ब्याटर मैदानमा टिक्न सकेनन् ।

सिरिजको पहिलो खेल पपुवा न्युगिनी (पीएनजी) विरुद्ध नेपालले अन्तिम ओभरमा २ विकेटले जित निकालेको थियो । दोस्रो खेलमा सामान्य लक्ष्य पछ्याएको नेपाल खराब ब्याटिङको कारण ४८ रनले पराजित भयो ।

घरेलु टोली यूएईविरुद्ध १ सय ६९ रनको लक्ष्य पछ्याएको नेपाल ३५ ओभर १ बलमा अलआउट हुँदै १ सय २० रनमा समेटिएको थियो । २२ ओभर ५ बलमा ३ विकेट गुमाएर ८२ रन बनाएको नेपाल बलियो स्तिथिमा थियो तर अन्तिम ७ विकेट ३८ रनमा गुमाउँदा पराजित हुन पुगेको थियो । लजास्पद पराजय भोगेको नेपालका ३ खेलाडीले मात्र दोहोरो अंकको रन बनाएका थिए ।

प्राय खेल नेपालले ब्याटिङ भन्दा बलिङको प्रदर्शनको आधारमा जित्दै आएको छ । तर यसपटक नेपालले औषत ब्याटिङ समेत गर्न सकेको छैन । नेपाल आफ्नो स्तर भन्दा तल खसेर ब्याटिङ गर्दै छ । सामान्य लक्ष्य समेत पूरा गर्न नसक्नु त्यसैको परिणाम हो ।

युवा ओपनरदोय कुशल भुर्तेल र आशिफ शेखले नेपाललाई बलियो सुरुवात दिलाउन संघर्षरत छन् । यी दुई खेलाडी यूएईविरुद्ध १८ रनको साझेदारी गर्दा पीएनजीविरुद्ध १ रनको साझेदारी मात्र गरेका थिए ।

त्यस्तै सिरिजअघि लयमा देखिएका दिपेन्द्र सिंह ऐरी समेत यूएईको मैदानमा संघर्षरत छन् । उनले दुई खेलमा ब्याटिङ गर्दा जम्मा १२ रनको योगदान गरेका छन् । अनुभवी ज्ञानेन्द्र मल्लले पीएनजीविरुद्ध ४ रन जोड्दा यूएईविरुद्ध रोहित पौडेलसँग राम्रो साझेदारी गर्दै २८ रन बनाउँदा खेल जिताउन प्रयाप्त भएन ।

सिरिजमा नेपालको ब्याटिङ रोहितको ब्याटले थामेको छ । युवा खेलाडी रोहित पीएनजीविरुद्ध अर्धशतक बनाउँदा यूएईसँग अर्धशतक बनाउन ४ रनले पछि परे । लयमा रहेका रोहित एकदिवसीय अन्तराष्ट्रियमा नेपालको लागि सर्वाधिक रन बनाउने दोस्रो खेलाडीमा उक्लिए । यस्तै उनले आफ्नो अर्धशतकको संख्या ४  पुर्याएर ज्ञानेन्द्र मल्लसँग सर्वाधिक अर्धशतकको कीर्तिमान बराबरी गरेका छन् ।

आरिफ शेख समेत ब्याटिङ नेपाललाई राम्रो योगदान गरेका छन् । पहिलो खेलमा महत्वपूर्ण साझेदारी गरेका उनले दोस्रो खेलमा बसिल हमिदको उत्कृष्ट कट एण्ड बोल्डमा दुर्भाग्यवस खाता नखोल्दै आउट भए । बोनोद भण्डारी खराब फर्मबाट गुग्रिदै गर्दा यूएईविरुद्ध बेञ्चमा बसे ।

सोमपाल कामी उत्कृष्ट बलिङ गर्दै नेपाललाई ठुलो योगदान गर्दै छन् । २ खेलमा ७ विकेट लिँदै नेपाललाई सहज लक्ष्य निकाल्न उनले बलिङमा ठुलो भूमिका खेलेका छन् । तर अलराउण्डर सोमपालको समेत ब्याट नचल्दा नेपाल रनका लागि पछी परेको छ । करन केसीको उत्कृष्ट फिनिसमा नेपालले पीएनजीसंज जित निकाल्न सफल भएको थियो । तर दोस्रो खेलमा अन्य ब्याटर चलन नसक्दा पछिल्लो क्रममा उनले एक्लै केहि गर्न सकेनन् ।

ब्याटिङमा समेत पछिल्लो क्रममा आक्रमण गर्न सक्ने कलम सिंह ऐरीले धैरियता देखाउन नसक्दा दोस्रो खेलमा यूएई हाबी हुन पुग्यो ।

सन्दीप बलिङमा दबाब सृजना गर्न बाहेक ब्याटिङमा योगदान दिन सकेका छैनन् । सिरिजमा डेब्यु गरेका स्पिनर सागर ढकालबाट नेपालले रनको आसा त गरेको छैन तर उनले बलिङ स्पेल समेत पूरा गर्न पाएका छैनन् । उनले दुवै खेलमा ४/४ ओभर मात्र बलिङ गए ।

सोमबार नेपालले यूएईसँग दोस्रो खेल खेल्दै छ । एक महिनाअघि ओमानको मैदानमा लयमा देखिएको यूएई समेत घरेलु मैदानमा रन बनाउन संघर्षरत छ ।

नेपालसँग १ सय ६८ मा अल आउट भएको यूएई पीएनजीविरुद्ध १ सय ४७ मा समेटिएको थियो ।

सिरिजमा ३ खेल सकिंदा नेपाल र पीएनजीले समान १/१ खेलमा जित निकाल्दा यूएई २ खेलमा विजयी भएको छ । सिरिजको आफ्नो अन्तिम खेलमा यूएईले नेपालविरुद्ध खेल्दै छ । मंगलबार नेपालले पीएनजीसँग खेल्दै यूएई भ्रमण टुंगाउने छ ।

१५ खेलमा १४ खेलमा हार ब्यहोरेको पीएनजी तालिकाको पुछारमा छ । उसले १ खेल जित्दै २ अंकमात्र जोडेको छ ।

यूएई १७ खेलमा ९ जित निकाल्दै २० अंकका साथ तालिकाको दोस्रो स्थानमा छ ।

लिगमा कम खेल खेलेको नेपाल १० खेलमा ५ जित निकाल्दै १० अंकका साथ छैठौं स्थानमा छ ।

लिग टुमा ७ राष्ट्र रहेका छन् । हरेक राष्ट्रले तीन टिममा सिरिज खेल्दै अन्तिममा शीर्ष तीनमा रहने राष्ट्र सन् २०२३ को आईसीसी विश्वकपको ग्लोबल क्वालिफायरमा पुग्ने छन् ।