एसिया कप क्रिकेट श्रीलंकामा हुने

काठमाडौं । एसीसी एसिया कप क्रिकेट श्रीलंकामा आयोजना हुने भएको छ ।

एसियन क्रिकेट काउन्सिल (एसीसी) को बैठकले एसिया कप क्रिकेट श्रीलंकामा गर्ने निर्णय गरेको हो ।

टी-ट्वान्टी फर्म्याटमा आयोजना हुने एसिया कप अगस्ट २७ देखि सेप्टेम्बर ११ सम्म हुनेछ ।

एसिया कपमा एसियाको टेस्ट राष्ट्र भारत, पाकिस्तान, श्रीलंका, बंगलादेश, अफगानिस्तान र छनोट प्रतियोगिताबाट आउने १ राष्ट्र गरि ६ टिम सहभागी हुनेछन् । 

छनोट प्रतियोगिता अगस्ट २० अगाडी हुने एसीसीले जनाएको छ ।

यस्तै बैठकले कतार क्रिकेट एसोसियसनलाई एसीसीको पूर्ण सदस्यता प्रदान गर्ने निर्णय गरेको छ ।