काठमाडौं । भारतीय क्रिकेट लिग इण्डियन प्रिमियर लिग (आईपीएल) को लागि दिल्ली क्यापिटल्सले नयाँ जर्सी सार्वजनिक गरेको छ ।
दिल्ली क्यापिटल्सले शनिबार सामाजिक संजालमा आफ्नो नयाँ जर्सी सार्वजनिक गरेको हो ।
आगामी सिजन सन् २०२२ को लागि दिल्लीले रातो र निलो रंगको बराबर प्रयोग गर्दै नयाँ जर्सी तयार पारेको छ जसले युवाजोस र जीवन्त ऊर्जा झल्काउने छ ।
दिल्लीको जर्सीमा रहेको रातो रंगले मैदानमा टिमको साहस तथा निलो रंगले टिमको सन्तुलन झल्काउने छ ।
'यो आईपीएलको नयाँ युग हो र हामी यो नयाँ जर्सी लगाएको हेर्न आतुर छौं ।' दिल्ली क्यापिटल्सका सीईओ बिनोद बिशतले भनेका छन् ।
मार्च २७ बाट सुरु हुने आईपीएलमा दिल्लीको कप्तानी रिशब पंतले गर्ने छन् । आगामी सिजनमा दिल्लीले मुम्बई इण्डियन्सविरुद्ध खेल्दै सिजन सुरु गर्ने छ ।
आईपीएलमा यस सिजनबाट १० टिमको सहभागिता रहने छ । भारतीय क्रिकेट बोर्ड (बीसीसीआई) ले दुई नयाँ टिम थप्दै आईपीएल सहभागी टिमको संख्या १० पुर्याएको हो ।
-1737729169.jpeg)
