काठमाडौं । प्रथम बागमती प्रदेश खेलकुद प्रतियोगिता अन्तर्गत क्रिकेटको खेल तालिका सार्वजनिक भएको छ ।
बागमती प्रदेशले क्रिकेट खेलको लागि महिला तथा पुरुषतर्फको खेल तालिका सार्वजनिक गरेको छ ।
महिलातर्फ बागमती प्रदेशका मात्र ३ जिल्लाले सहभागिता जनाउने छन् । पुरुष तर्फ प्रदेशका १२ जिल्लाको सहभागिता रहने छ ।
क्रिकेट स्पर्धा चितवनको निर्माणाधिन गौतमबुद्ध अन्तराष्ट्रिय क्रिकेट रंगशालामा हुने छ ।
पुरुषतर्फ चितवन, नुवाकोट, रामेछाप, लैलितपुर,दोलखा, मकवानपुर, काठमाडौँ, धादिङ, रसुवा, काभ्रे, सिन्दुपल्चोक र भक्तपुर जिल्लाले प्रतिष्पर्धा गर्ने छन् ।
महितातर्फ भने काठमाडौँ, भक्तपुर र चितवनमात्र प्रतिस्पर्ध गर्ने छन् । खेल टी ट्वान्टी फर्म्याटमा हुने छ । महिला तर्फका खेल फागुन ३० गतेबाट सुरु हुने छ ।
दुईदिन चल्ने स्पर्धामा तीनटिम एक आपसमा खेल्दै शीर्ष स्थानमा दुई टोलीले फाइनल खेल्ने छन् । यता पुरुष तर्फको स्पर्धा चैत्र २ गतेबाट सुरु हुने छ ।
पुरुष तर्फको फाइनल खेल चैत्र ७ गते हुने छ । बागमती प्रदेशका १३ जिल्लाको सहभागिता रहको प्रतियोगितामा एथलेटिक्स, फुटबल,भलिबल, कराते,तेक्वान्दो,ब्याडमिन्टन,क्रिकेट र बक्सिङ खेलका १ हजार ८ सय खेलाडीले प्रतिस्पर्धा गर्ने छन् ।
बागमती प्रदेश खेलकुद भने आज शनिबारबाट सुरु हुँदैछ ।
-1737729169.jpeg)
