काठमाडौं । ओमानमा आयोजना भएको आईसीसी पुरुष टी–ट्वान्टी विश्वकप छनोट अन्तर्गतको ग्लोबल छनोट ए मा सहभागिता जनाएर नेपाली राष्ट्रिय क्रिकेट टोली स्वदेश फर्किएका छन् ।
नेपाली टोली शुक्रबार साँझ स्वदेश फर्किएका हुन् । नेपाली टोलीलाई क्यानका पदाधिकारीले स्वागत गरेका थिए ।
छनोटमा नेपालले तेस्रो स्थान हासिल गरेको थियो । बिहीबार तेस्रो स्थानको लागि भएको प्ले अफमा ओमानलाई ९ विकेटले हराउँदै नेपालले तेस्रो स्थान हासिल गरेको हो ।
तर, सेमिफाइनलमा पराजित भएपछि नेपालको अष्ट्रेलियामा हुने टी-ट्वान्टी विश्वकप खेल्ने सपना सकिएको थियो ।
सेमिफाइनलमा नेपाल युएईसँग पराजित भएको थियो ।
छनोटको उपाधि युएईले जितेको थियो ।
-1738250810.jpeg)
