काठमाडौं । घरेलु टोली भारतले पहिलो टी-ट्वान्टीमा श्रीलंकालाई हराएको छ ।
लखनउमा बिहीबार राति भएको खेलमा भारतले श्रीलंकालाई ६२ रनले हराएको हो ।
भारतले दिएको २ सय रनको लक्ष्य पछ्याएको श्रीलंकाले २० ओभरमा ६ विकेट गुमाएर १ सय ३७ रन मात्र बनाउन सक्यो ।
श्रीलंकाका चारिथ असलन्काले अविजित रहदै ५३ रनको अर्धशतकीय इनिङ्स खेलेपनि टोलीलाई जित दिलाउन सकेनन् । दुश्मन्था चामिरा २४ रनमा अविजित रहे ।
यस्तै चामिका करुनारत्नेले २१ रन जोड्दा कामील मिशराले १३ रन बनाए । दिनेश चण्डीमाल १० रनमा आउट भए।
भारतका भुवनेश्वर कुमार र भेन्कातेस आयरले २/२ विकेट लिए ।
यस अघि पहिले ब्याटिङ गरेको भारतले २० ओभरमा २ विकेट गुमाएर १ सय ९९ रन जोडेको थियो ।
भारतका इशान किशनले ८९ रनको अर्धशतकीय इनिङ्स खेले ।
यस्तै श्रेयस एयरले अविजित रहदै ५७ रनको अर्धशतकीय इनिङ्स खेल्दा कप्तान रोहित शर्माले ४४ रन बनाए ।
श्रीलंकाका लाहिरु कुमारा र डसुन शनकाले १/१ विकेट लिए ।
जितसँगै भारतले तीन खेलको सिरिजमा १-० को अग्रता बनाएको छ ।
-1738250810.jpeg)
