ओमानद्धारा नेपाललाई ८८ रनको लक्ष्य

काठमाडौं । आईसीसी पुरुष टी–ट्वान्टी विश्वकप ग्लोबल छनोट अन्तर्गत तेस्रो स्थानका लागि जारी खेलमा आयोजक ओमानले नेपाललाई ८८ रनको लक्ष्य दिएको छ । 

अल अमेरात क्रिकेट मैदानमा ओमानले टस जितेर पहिले ब्याटिङ गर्दै निर्धारित २० ओभरमा ९ विकेट गुमाएर ८७ रन जोड्यो । 

ओमानका लागि जिसन मक्सुदले २१, अयान खानले १६ तथा नसिम खुसीले १५ रनको योगदान गरे । 

नेपालका लागि कप्तान सन्दीप लामिछाने सर्वाधिक ३ विकेट हात पारे । 

सागर ढकाल, आरिफ शेख, कमल सिंह ऐरी, अविनाश बोहराले एक–एक विकेट लिए ।