फिलिपिन्समाथि जर्मनीको जित

काठमाडौं । आईसीसी पुरुष टी–ट्वान्टी विश्वकप ग्लोबल छनोट अन्तर्गत जर्मनी सातौं भएको छ । 

ओमानको अल अमेरात क्रिकेट मैदानमा फिलिपिन्सलाई ९ विकेटले पराजित गर्दै जर्मनी सातौं भएको हो । 

१ सय १० रनको लक्ष्य जर्मनीले १२ दशमलब ५ ओभरमा १ विकेट गुमाएर पुरा गर्यो ।

जर्मनीका लागि माइकल रिचर्डसनले अविजित रहदै सर्वाधिक ५९ रनको योगदान गरे ।

जस्टीन ब्रोडले अविजित ५० रन जोडे । 

फिलिपिन्सका लागि एकमात्र विकेट हुजैफा मोहम्मदले लिए । 

यस अघि टस हारेर पहिले ब्याटिङ गरेको फिलिपिन्सले निर्धारित २० ओभरमा ८ विकेट गुमाउदै १ सय ९ रन जोडेको थियो । 

फिलिपिन्सका लागि ड्यानियल स्मीथले सर्वाधिक ३५ तथा हेनरी टेलरले २३ रन जोडे । 

जर्मनीका लागि इलाम भारथीले सर्वाधिक ४ विकेट हात पारे । 

पराजयपछि फिलिपिन्स आठौं भएको छ ।