लुम्बिनी टि–१० क्रिकेट लिग फागुन २४ गतेदेखि 

नेपालगन्ज । फागुन २४ गतेदेखि सुरु हुने लुम्बिनी टि–१० क्रिकेट लिग प्रतियोगिताको तयारी तीव्र गतिमा अगाडि बढेको छ ।

लिग बाँकेको कोहलपुर नगरपालिकामा रहेको कोहलपुर अन्तर्राष्ट्रिय रंगशालामा संचालन हुनेछ । 

एन.बि. स्पोर्ट्सको किट स्पोनसर र एन. बि स्पोर्ट्स एण्ड ईभेन्ट्स म्यानेजमेन्ट प्रालिको आयोजनामा हुन लागेको लुम्बिनि टि–१० लिग प्रतियोगितामा कूल ६ टोलीको सहभागिता रहने छ ।

६ टोलीको नाम भने केहि दिनमा सार्वजनिक हुने आयोजक समूहले जनाएको छ । 

प्रतियोगितमा बाँके क्रिकेट संघको पनि सहयोग रहने छ । 

राउन्ड रोबिनको आधारमा हुने उक्त प्रतियोगिताको लागि सम्पूर्ण टोलिले ५ म्याच खेल्ने छन् ।

देशभरिका कुनैपनि टोलीले उक्त लिगमा आफ्नो सहभागिता जनाउन पाउने छन् । हाल टोली दर्ता फर्म पनि खुल्ला रहेको छ । आवेदन फर्म फागुन १५ गतेसम्म खुल्ला रहने आयोजगले जनाएको छ ।

सहभागिताका लागि १५ हजार रुपैयाँ शुल्क लाग्ने आयोजकले जनाएको छ ।  पुरस्कार राशीका बारेमा केही दिनमा सार्वजनिक गर्न आयोजकले जनाएको छ ।