काठमाडौं । पाकिस्तान क्रिकेट बोर्ड (पीसीबी) र पाकिस्तान सुपर लिग (पीएसएल) ले अष्ट्रेलियन क्रिकेटर जेम्स फकनरलाई भविष्यमा हुने कुनै पनि पीएसएलमा नखाउने निर्णय गरेको छ ।
अष्ट्रेलियन अलराउन्डर फकनरले शनिबार पीएसएलल अचानक छाड्दै पीसीबीले आफ्नो सम्झौता तथा भुक्तानीलाई पालना नगरेको आरोप लगाएपछि पीसीबी र पीएसएलले उनलाई नखेलाउने निर्णय गरेका हुन् ।
३१ वर्षीय फकनरले ट्वीटरमार्फत खुलासा गरेकी पीसीबीले उनीसँग लगातार झुट बोलेको तथा पीसीबी र पीएसएलले गरेको व्यवहार अपमानजनक रहेको दावी गरे ।
क्वेटा ग्लाडियटर्सबाट जारी सिजनको पीएसएल खेलेका फकनरले ६ खेलमा ४९ रन जोड्दै ६ विकेट लिएका थिए ।
यता पीसीबी तथा क्वेटा ग्लाडियटर्सले संयुक्त वक्तव्य जारी गर्दै फकनरको दावी आधारहिन रहेको जनाए ।
पीसीबीले भने फकनरले क्रिकेट बोर्ड, पाकिस्तान क्रिकेट तथा पीएसएललाई बदनाम गराउन खोजेको जनाएको छ ।
पीसीबीले जनाएअनुसार फकनरले पाउनुपर्ने रकमको ७० प्रतिशत उनको पुरानो खातामा पठाइएको तथा यसबारे उनलाई थाहा थियो ।
-1737729169.jpeg)
