पोखरा । पोखरामा रेवान पोखरा भेट्रान्स टेनिस प्रतियोगिता आयोजना हुने भएको छ ।
कास्की जिल्ला टेनिस संघको आयोजना तथा रेवान पोखराको मुख्य प्रायोजनमा पोखरा रंगशालामा रेवान पोखरा भेट्रान्स टेनिस प्रतियोगिता–२०७८ हुने भएको हो ।
३५ वर्ष माथि भेट्रान्स ओपन तथा भेट्रान्स विगिनर गरि दुई वटा इभेन्टमा प्रतिस्पर्धा हुने आयोजक संघका सचिव नविन श्रेष्ठले जानकारी दिए ।
नवप्रवेशितर्फको प्रतिस्पर्धा फागुन ८ देखि हुनेछ । त्यस्तै फागुन १० देखि ओपन तर्फको प्रतिस्पर्धा शुरु हुनेछ । नवप्रवेशितर्फका सेमिफाइनलिष्टले ओपनको मेन ड्र मा प्रतिस्पर्धा गर्न पाउने आयोजक संघले जनाएको छ ।
प्रतियोगितामा खुल्ला एकलतर्फका विजेताले नगद १५ हजार तथा दोश्रो हुनेले नगद ७ हजार ५ सय सहित ट्रफि पुरस्कार प्राप्त गर्नेछन् ।
डबल्सतर्फ विजेताले नगद १० हजार तथा उपविजेताले नगद ५ हजार सहित ट्रफि पुरस्कार प्राप्त गर्नेछन् । नवप्रवेशितर्फका विजेता र उपविजेताले ट्रफि पुरस्कार प्राप्त गर्नेछन् । फागुन १४ सम्म चल्ने प्रतियोगिताका लागि आयोजक संघले शक्ति शर्मालाई टुर्नामेण्ट डाइरेक्टरमा चयन गरेको छ ।
