आईपीएल टोली अहमदाबादको नयाँ नाम सार्वजनिक 

काठमाडौं । इन्डियन प्रिमियर लिग (आईपीएल) टी-ट्वान्टी क्रिकेटको नयाँ टोली अहमदाबादले अर्को फ्रेन्चाईज नाम सार्वजनिक गरेको छ ।

अहमदाबादले बुधबार आफ्नो नयाँ फ्रेन्चाईज नाम सार्वजनिक गरेको हो ।

सिभिसी क्यापिटल्स पार्टनरको स्वामित्वमा रहेको अहमदाबादले आफ्नो फ्रेन्चाईज नाम 'गुजरात टाइन्टस' राखेको छ।

यस अघि अहमदाबादले फ्रेन्चाईज नाम 'अहमदाबाद टाइन्टस' राखेको थियो ।

गुजरात टाइन्टसको कप्तानी हार्दिक पान्डयाले गर्ने छन् ।

नयाँ संस्करणको आईपीएल मार्च अन्तिम साताबाट आयोजना हुने बताईएको छ ।

नयाँ संस्करणको आईपीएलमा १० टोलीको सहभागिता हुनेछ । यस अघि ८ टोलीले खेल्दै आएका थिए ।

नयाँ संस्करणको मेगा अक्सन फेब्रुअरी १२ र १३ मा बैंगलोरमा हुनेछ ।