पोखरा । १६ औं पोखरा अन्तर्राष्ट्रिय म्याराथन दौड प्रतियोगिता दुई चरणमा आयोजना हुने भएको छ ।
नेपाल भूतपूर्व खेलाडी मञ्चको आयोजनामा हुने प्रतियोगिता कोरोनाको जोखिमलाई मध्यनजर गर्दै दुई चरणमा आयोजना गर्ने निर्णय भएको मञ्चका अध्यक्ष हरिप्रसाद पराजुलीले बताए ।
सफल पोखरा अन्तर्राष्ट्रिय खुला म्याराथन ४२.१९५ किलोमिटर र महिलातर्फको २१ किलोमिटरको हाफ म्याराथन दौड निर्धारित समय फागुन ७ गते आयोजना हुने भएको छ ।
आपाङतर्फका ५ र १० किलोमिटर दौड भने चैत १२ गते गर्ने निर्णय भएको अध्यक्ष पराजुलीले बताए । खुला म्याराथनतर्फको पुरस्कारको राशि चार लाख रुपैयाँ रहेको छ ।
मञ्चका महसचिव कृष्ण तिमिल्सिनाले म्याराथनलाई सफल बनाउन विभिन्न समिति तथा संघ संस्थालाई सहयोगका लागि आग्रह गरे । प्रतियोगितामा सहभागी हुन केन्याका धावकले अनलाइनमार्फत नाम दर्ता गरिसकेको महासचिव तिमिल्सिनाले बताए ।
