मेदभेदेब र स्टेफानोस अन्तिम १६ मा

काठमाडौं । रुसका दोस्रो वरीयताका डानिल मेदभेदेब अष्ट्रेलियन ओपनको अन्तिम १६ मा प्रवेश गरेका छन् ।

मेलबर्नमा शनिबार डच खेलाडी बोटिक भान डीलाई हराउँदै मेदभेदेबले चौंथो चरणमा स्थान बनाएका हुन् ।

मेदभेदेबले बोटिकलाई ६-४,६-४ र ६-२ ले पराजित गरे ।

पुरुषतर्फ नै ग्रीसका स्टेफानोस सिसेपसले पनि अन्तिम १६ मा स्थान बनाएका छन् ।

स्टेफानोसले बिनोइट पेरेलाई ६-३,७-५,६-७(२-७) र ६-४ ले पराजित गरे ।