काठमाडौं । दुई पटककी विजेता भिक्टोरिया अजारेन्का अष्ट्रेलियन ओपन टेनिसको प्रि–क्वाटरफाइनलमा प्रवेश गरेकी छन् ।
बेलारुसकी अजारेन्काले युक्रेनकी इलिना भिटोलिनालाई सोझो सेटमा पराजित गर्दै अन्तिम १६ मा प्रवेश गरेकी हुन् ।
२५ औं वरीयताकी अजारेन्का सन् २०१६ पछि पहिलो पटक अन्तिम १६ मा प्रवेश गरिन् ।
सन् २०१२ र २०१३ की च्याम्पियन अजारेन्काले १५ औं वरीयताकी भिटोलिनालाई ६–० र ६–० को सेटमा पराजित गरिन् ।
अजारेन्काले अब फ्रेन्च ओपनकी विजेता बारबोरा क्रेचसिकोभाविरुद्ध खेल्नेछिन् ।
चौथों वरीयताकी क्रेचसिकोभाले लाटभियाकी जेलेना ओस्टापेन्कोलाई २–६, ६–४ र ६–४ को सेटमा पराजित गर्दै प्रि–क्वाटरफाइनलमा प्रवेश गरिन् ।
