राडुकानुको विजयी सुरुआत

काठमाडौं । बेलायती टेनिस खेलाडी ईमा राडुकानुले अष्ट्रेलियन ओपन टेनिसमा विजयी सुरुआत गरेकी छिन् ।

मेलबर्नमा मंगलबार भएको खेलमा अमेरिकी खेलाडी स्लोअनी स्टेफेन्सलाई हराउँदै राडुकानुले दोस्रो चरणमा स्थान बनाएकी हुन् ।

युएस ओपन च्याम्पियन राडुकानुले स्टेफेन्समाथि ६-०, २-६ र ६-१ को सेटमा जित निकालिन ।

विश्व वरीयताकी १७ औं स्थानकी राडुकानुको सिनियर लेभलमा यो डेब्यु खेल हो ।

१९ वर्षिया राडुकानुले दोस्रो चरणमा डन्का कोभिनिचसँग खेल्ने छिन् ।