काठमाडौं । नेपाली लेग स्पिनर सन्दीप लामिछाने आबद्द होबार्ट हरिकेन्सले बिग बास लिग (बीबीएल) टी-ट्वान्टी क्रिकेटमा जित निकालेको छ ।
मंगलबार भएको खेलमा होबार्टले मेलबर्न रेनेगेड्सलाई ६ रनले हराएको हो ।
यस जितसंगै होबार्ट लिगको प्ले अफमा पुगेको छ ।
होबार्टले दिएको १ सय ८३ रनको लक्ष्य पछ्याएको रेनेगेड्सले २० ओभरमा ६ विकेट गुमाएर १ सय ७६ रन मात्र बनाउन सक्यो ।
रेनेगेड्सका लागि कप्तान आरोन फिन्चले ७५ रनको अर्धशतकीय इनिङ्स खेले । शाउन मार्शले ५१ रन जोड्दा जाम्स सेमोरले २४ रन बनाए ।
होबार्टका टम रोजर्सले ३ विकेट लिए । सन्दीप लामिछानेले २ विकेट लिए । उनले २७ रन खर्चिए ।
सन्दीपले जारी सिजन १३ खेलमा १४ विकेट लिईसकेका छन् ।
यस अघि पहिले ब्याटिङ गरेको होबार्टले २० ओभरमा ५ विकेट गुमाएर १ सय ८२ रन जोडेको थियो ।
होबार्टका लागि कप्तान म्याथ्यु वेडले ४८ रन जोड्दा टिम डाभिडले अविजित ४६ रन बनाए ।
डी'आर्ची सर्टले ३७ तथा जेवेलले ३५ रन जोडे ।
रेनेगेड्सका जोश लाहोर र क्यामरुनले २/२ विकेट लिए ।
यस जितसँगै होबार्ट २७ अंक जोडेर पाँचौं स्थानमा रहेको छ ।
रेनेगेड्स १६ अंक जोडेर पुछारमा रहेको छ ।
