पीएम कपको सेमिफाइनल भोलि

काठमाडौं । पीएम कप टी–ट्वान्टी राष्ट्रिय क्रिकेट प्रतियोगिता अन्तर्गत मंगलबार सेमिफाइनलका खेलहरु हुनेछन् ।

टियु क्रिकेट मैदानमा हुने पहिलो खेलमा नेपाल पुलिस क्लबले बागमती प्रदेशको सामना गर्नेछ ।

पुलिस समूह ‘ए’ को विजेताको रुपमा सेमिफाइनलमा प्रवेश गरेको हो । 

पुलिसले समूह अन्तर्गत चारवटै खेलमा जित हात पारेको थियो । 

यता बागमती भने समूह ‘बी’ को उपविजेता टोली हो । 

बागमतीले चार मध्ये तीन खेलमा जित हात पारेको थियो । 

मंगलबार नै हुने दोस्रो सेमिफाइनलमा दुई विभागीय टोली नेपाल एपीएफ क्लब र त्रिभुवन आर्मी क्लबबीच प्रतिस्पर्धा हुनेछ । 

एपीएफ समूह ‘बी’ को विजेता टोली हो भने आर्मी समूह ‘ए’ को उपविजेता टोली हो । 

एपीएफले समूह अन्तर्गत चारवटै खेल जितेको थियो । 

आर्मीले भने चारमध्ये दुई खेलमा जित तथा एक खेलमा अंक बाडेको थियो ।