काठमाडौं । अष्ट्रेलियाका ब्याट्सम्यान मार्नुस लाबुसचेग्ने टेस्ट क्रिकेटको ब्याट्सम्यानतर्फ शीर्ष स्थानमा यथावत रहेका छन् ।
अन्तर्राष्ट्रिय क्रिकेट काउन्सिल (आईसीसी) ले अपडेट गरेको नयाँ वरीयतामा मार्नुस शीर्ष स्थानमा यथावत रहेका हुन् ।
यस्तै इंग्ल्यान्डका कप्तान जोए रुट दोस्रो स्थानमा कायम छन् ।
अष्ट्रेलियाका स्टिभ स्मिथ तेस्रो स्थानमा उक्लिएका छन् ।
न्युजिल्याण्डका कप्तान तथा ब्याट्सम्यान केन विलियम्सन चौंथो स्थानमा झरेका छन् ।
भारतका रोहित शर्मा पाँचौ स्थानमा छन् ।
श्रीलंकाका दिमुथ करुनारत्ने छैटौं, अष्ट्रेलियाका डेभिड वार्नर सातौं, पाकिस्तानका कप्तान बाबर आजम आठौं, भारतीय कप्तान विराट कोहली नवौं र दक्षिण अफ्रीकाका डीन एल्गर दशौँ स्थानमा रहेका छन् ।
बलिङतर्फ अष्ट्रेलियाका प्याट कमिन्स शीर्ष स्थानमा यथावत रहेका छन् ।
भारतका रविचन्द्र आश्विन दोस्रो, न्युजिल्यान्डका केली जेमिसन तेस्रो स्थानमा छन् । पाकिस्तानका शहिन शाह अफ्रिदी चौंथो र दक्षिण अफ्रीकाका कागिसो राबडा पाँचौ स्थानमा छन् ।
अलराउण्डरतर्फ वेष्ट इन्डिजका जासन होल्डर शीर्ष स्थानमा छन् । भारतका रविचन्द्र आश्विन दोस्रो र भारतकै रबिन्द्र जडेजा तेस्रो स्थानमा रहेका छन् ।
