काठमाडौं । वेस्ट इन्डिज र आयरल्यन्डबीचको दोस्रो एकदिवसिय क्रिकेट बिहीबार हुने भएको छ ।
पाहुना टोली आयरल्यान्डका थप दुई खेलाडीमा कोरोना देखिएपछि मंगलबारका लागि तय भएको दोस्रो एकदिवसिय स्थगित भएको थियो ।
तर दुई टोलीबीच हुने भनिएको एकमात्र टी–ट्वान्टी खेल भने नहुने भएको छ ।
वेस्ट इन्डिज र आयरल्यान्डबीच तीन खेलको एकदिवसिय सिरिज हुने तालिका रहेको छ ।
जस अन्तर्गत पहिलो खेल वेस्ट इन्डिजले २४ रनले जितेको थियो ।
यी दुई टोलीबीचको तेस्रो एकदिवसिय भने जनवरी १६ मा हुने भएको छ ।
एकदिवसिय सिरिज आईसीसी एकदिवसिय सुपर लिगको रुपमा रहेको जसले सन् २०२३ मा हुने विश्वकपको छनोटका लागि समेत महत्वपूर्ण छ ।
