गण्डकीद्धारा प्रदेश दुईलाई ११७ रनको लक्ष्य 

काठमाडौं । पीएम कप राष्ट्रिय टी–ट्वान्टी क्रिकेट प्रतियोगिता अन्तर्गत गण्डकी प्रदेशले प्रदेश नं. २ लाई १ सय १७ रनको लक्ष्य दिएको छ । 

समूह ‘बी’ अन्तर्गत मुलपानी क्रिकेट मैदानमा टस जितेर पहिले ब्याटिङ गर्दै गण्डकीले निर्धारित २० ओभरमा ७ विकेट गुमाएर १ सय १६ रन जोड्यो । 

गण्डकीका लागि अर्जुन कुमालले सर्वाधिक ४१ रनको योगदान गरे । 

सन्दीप क्षेत्रीले २७ रन जोडे । 

अर्जुन र सन्दीपले चौथो विकेटका लागि ५४ रनको साझेदारी गरेका थिए । 

प्रदेश २ का आदिल आलमले दुई विकेट लिए । 

हरिशंकर साह, जितेन्द्र यादव र विवेक यादवले एक–एक विकेट हात पारे ।