काठमाडौं । नेपाली लेग स्पिनर सन्दीप लामिछाने आबद्द होबार्ट हरिकेन्सले बिग बास लिग (बीबीएल) टी-ट्वान्टी क्रिकेटमा हार व्यहोरेको छ ।
सोमबार भएको खेलमा होबार्ट सिड्नी थन्डरसँग ९ विकेटले पराजित भएको हो ।
होबार्टले दिएको १ सय ४० रनको लक्ष्य सिड्नीले १७ ओभर ४ बलमा मात्र १ विकेट गुमाएर पूरा गर्यो ।
सिड्नीका लागि एलेक्स हेल्सले अविजित रहदै ८० रनको अर्धशतकीय इनिङ्स खेले ।
यस्तै कप्तान जासन संघा ३५ रनमा अविजित रहदा म्याथ्युले १९ रन बनाए ।
होबार्टका डी आर्ची सर्टले १ विकेट लिए । सन्दीप विकेट विहीन बने । उनले ३.२ बलमा २१ रन खर्चिए । सन्दीपको जारी सिजन ११ खेलमा १० विकेट लिएका छन् ।
यस अघि पहिले ब्याटिङ गरेको होबार्टले २० ओभरमा ६ विकेट गुमाएर १ सय ३९ रन बनाएको थियो ।
होबार्टका लागि बेन म्याकडेरमोटले ३८ रन जोड्दा डी आर्ची सर्टले २९ रन बनाए । कप्तान पिटरह्यान्ड्सकम्पले २१ रन बनाए ।
सिड्नीका नाथन र सन्धुले २/२ विकेट लिए ।
यस हारसँगै होबार्ट ११ खेलमा २१ अंक जोडेर चौंथो स्थानमा रहेको छ ।
सिड्नी ३० अंक जोडेर दोस्रो स्थानमा रहेको छ ।
