काठमाडौं । नेपाली लेग स्पिनर सन्दीप लामिछाने आबद्द होबार्ट हरिकेन्सले बिग बास लिग (बीबीएल) टी-ट्वान्टी क्रिकेटमा जित निकालेको छ ।
शनिबार भएको खेलमा होबार्टले ब्रिसबेन हिटलाई ८ विकेटले हराएको हो ।
ब्रिसबेनले दिएको १ सय ४५ रनको लक्ष्य होबार्टले १७ ओभर २ बलमा २ विकेट गुमाएर पूरा गर्यो ।
होबार्टको जितमा बेन म्याकडेरमोटले ९३ रनको अर्धशतकीय इनिङ्स खेले । कप्तान पिटर ह्यान्ड्सकम्पले अविजित २७ रन जोडे ।
डी'आर्ची शर्ट १२ रनमा अविजित रहे । ब्रिसबेनका विल प्रेस्टविजले २ विकेट लिए ।
यस अघि पहिले ब्याटिङ गरेको ब्रिसबेनले २० ओभरमा ८ विकेट गुमाएर १ सय ४४ रन जोडेको थियो ।
ब्रिसबेनका लागि डेसमोन्ड फेफरले ६९ रनको अर्धशतकीय इनिङ्स खेले । विल प्रेस्टविजले २१ रन जोडे ।
होबार्टका सन्दीपले २ विकेट लिए । उनले चार ओभर बलिङ गर्दै २३ रन खर्चिए ।
सन्दीपको यो जारी सिजनको १० खेलमा १० विकेट हो ।
यस जितसँगै होबार्ट २० अंक जोडेर चौंथो स्थानमा रहेको छ ।
ब्रिसबेन १५ अंक जोडेर पाँचौं स्थानमा रहेको छ ।
