काठमाडौं । नेपाली लेग स्पिनर सन्दीप लामिछाने आबद्द होबार्ट हरिकेन्सले बिग बास लिग (बीबीएल) टी-ट्वान्टी क्रिकेटमा आज ब्रिसबेन हिटसँग प्रतिस्पर्धा गर्दैछ ।
होबार्टले ब्रिसबेनसँग उसैको घरेलु मैदानमा खेल्नेछ । खेल नेपाली समय अनुसार ३:१५ बजे सुरु हुनेछ ।
होबार्टको यो १० औं खेल हो । होबार्ट १७ अंक जोडेर चौंथो स्थानमा रहेको छ ।
ब्रिसबेन १४ अंक जोडेर छैटौं स्थानमा रहेको छ ।
ब्रिसबेनविरुद्ध सन्दीप प्लेईङ सेटमा पर्ने सम्भावना रहेको छ । सन्दीपले अघिल्ला ९ खेल खेलिसकेका छन् ।
सन्दीपले यस सिजन ९ खेलमा ८ विकेट लिएका छन् ।
