जोकोभिच साह्रै ‘खराब केटो’

काठमाडौं ।  नोभाक जोकोभिच विश्व टेनिसका अहिलेसम्मकै सर्वकालीन महान खेलाडी हुन्, यसमा कसैको दुई मत हुन सकदैन् । तर उनी उत्तिकै विवादास्पद खेलाडी हुन्, यसमा पनि कसैको फरक मत हुन सकदैन् । विवादसँग उनको लामो नाता छ र उनी प्राय: विवादमा फसिरकेका हुन्छन् । अहिलेको नयाँ त्यस्तै विवाद हो, उनलाई मेलबर्न पुगेयता अष्ट्रेलिया प्रवेशको अनुमति रद्द गरिनु । अनि आफ्नै घर फर्कन भनिनु । उनी अष्ट्रेलियन ओपन खेल्न मेलबर्न पुगेका थिए ।

त्यो पनि डिफेडिङ च्याम्पियनका रूपमा । मेलबर्न आइपुगेयता उनको अनुमति नाटकीय रूपमा बिहीबार रद्द गरिएको छ । विश्व नम्बर १ खेलाडीलाई सहरको विमानस्थलमा सोधुपुछका लागि पनि राखिएको थियो र यो घण्टौं चलेको थियो । अनि त्यसपछि भनियो, आवश्यक नियम पूरा गरेको हुनाले घर फर्कनु भनिएको छ । घर फर्कने विमानको समय तालिका नमिलेसम्म उनी सरकारी होटलमै रहेन छन् । खासमा पूरा घटनाक्रम के हो त ?

जोकोभिचले अहिलेसम्म आफूले कोरोना भाइरसविरुद्धको खोप लगाएको छ अथवा छैन् भनेर खुलाएका छैनन् । उनी न त यसबारे आफ्नो स्थिति खुलाउन नै चाहन्छन् । तर जोकोभिचले आफू खोपको विरुद्ध रहेको बताउँदै आएका थिए । अष्ट्रेलियामा कोरोना भाइरसविरुद्धको खोप नलगाएकालाई प्रवेश गर्न निषेध छ । अष्ट्रेलियन ओपनका आयोजकले केही नियम खुकुलो बनाएपछि जोकोभिच मेलबर्न पुगेका थिए, तर त्यसको चारैतर्फबाट आलोचना भएको थियो ।

यसबीच अष्ट्रेलियाली प्रधानमन्त्री स्कट मोरिसन आफै सबै घटनाक्रमको बीचमा आइपुगे र उनले देशको नियम भन्दा कोही माथि नरहेको बताएका थिए । उनले नै जोकोभिचले आफ्नो देश प्रवेशमा रोक लगाउनु पर्ने पनि बताएका थिए । अब के हुनेछ, त्यो हेर्न लायक हुनेछ । तय जस्तै छ, विश्व नम्बर १ खेलाडी तथा २० ग्रान्ड स्लाम उपाधिका विजेता अब लगातार समाचारमा छाइरहने छन् र त्यसको कारण सकारात्मक नै हुनु पर्छ भन्ने हुने छैन् ।

जोकोभिच विवादमा परेको यो नै पहिलो पल्ट भने होइन् । धेरै अगाडि होइन्, सन् २०२० को यूएस ओपनकै बेला मात्र पनि अन्तिम १६ को खेलका क्रममा उनलाई प्रतियोगिता खेल्नबाट अयोग्य घोषणा गरिएको थियो । रिसको झोंकमा उनले दुर्घटनावस प्रहार गरेको बेल लाइन जजको घाँटीमा लागेको थियो । पाब्लो कारेनाविरुद्धको त्यस खेलमा सर्बियाली खेलाडी आफ्नो सर्भिस तोडिएको आक्रोसित थिए । पछि पूरा घटनाक्रमलाई लिएर माफि भने मागे ।

त्यही वर्षको सुरुमा उनले अर्को चर्को विवादको सिर्जना गरेका थिए । त्यति बेला भर्खर भर्खर कोरोना भाइरस संक्रमणको महामारी सुरु हुन लागेको थियो र चारैतर्फ सतर्कता अपनाउने काम सुरु हुन थालेको थियो । यसैबीच उनले आफ्नो देशमा टेनिसको प्रदर्शन खेल आयोजना गरे । तर यी प्रदर्शन खेल बीचमै रोक्नु परेको थियो, किनभने त्यसमा सहभागी एक खेलाडी ग्रिगोर डिमिट्रभ कोरोना भाइरस संक्रमणमा परिहाले । भनिन्छ, त्यस खेलका क्रममा धेरैलाई सक्रमणले छोएको थियो ।

स्वंय जोकोभिच र उनका पत्नी जेलेना पनि यस संक्रमणबाट टाढा रहन सकेनन् । सन् २०२१ मै मेलबर्न पुग्दा पनि उनले अष्ट्रेलियन ओपन खेल्न अगाडि आफ्नो लागि नीजि घर र टेनिस कोर्ट उपलब्ध गराउन भनेका थिए । त्यति बेला धेरैको मुखबाट निस्केको वाक्य थियो, कति लोभी छन् यी जोकोभिच । उनी जत्तिकै उत्कृष्ट खेलाडी भए पनि खेलका क्रममा चोट लाग्यो भनेर नक्कली अभिनय गर्ने गरेको आरोप पनि धेरै लाग्ने गरेको छ ।

अनि जानाजान आफ्ना प्रतिद्वन्द्वी खेलाडीमाथि दबाब सिर्जना गर्न लामो न लामो मेडिकल टाइमआउट लिने गर्छन् । उनले यस्तै टाइम आउट विपक्षी खेलाडीको लय बिगार्न पनि लिने गर्छन् । भनिन्छ, रोजेर फेडेरर र राफेल नाडालको लोकप्रियताले जोकोभिचलाई बिझाउने गर्छ । आफू यी दुई खेलाडी बराबर हुन नसकेकोमा यस्तै अनेक विवाद उत्पन्न गराउने गर्छन् । त्यसैले पनि उनलाई विश्व टेनिसमा साह्रै ‘खराब केटो’ पनि भन्ने गरिन्छ ।
 

–एएफसीको सहयोगमा ।