सन्दीपले लिए २ विकेट, होबार्ट पराजित

काठमाडौं । बिग बास लिग (बीबीएल) टी-ट्वान्टी क्रिकेटमा नेपाली लेग स्पिनर सन्दीप लामिछाने आबद्द होबार्ट हरिकेन्स पराजित भएको छ ।

बुधबार भएको खेलमा होबार्टलाई एडिलेड स्ट्राइकर्सले ७ विकेटले हराएको हो ।

होबार्टले दिएको १ सय २७ रनको लक्ष्य एडिलेडले १५ ओभर १ बलमा ३ विकेट गुमाएर पूरा गर्यो ।

एडिलेडको जितमा म्याथ्यु सर्टले अविजित रहदै ७२ रन जोडे । म्याट रेनशले १९ तथा हेनरी हन्टले १८ रन जोडे ।

होबार्टका सन्दीपले ४ ओभर बलिङ गर्दै २२ रन खर्चिएर २ विकेट लिए ।

डी'आर्ची सर्टले १ विकेट लिए ।

यस अघि पहिले ब्याटिङ गरेको होबार्टले १९ ओभर ५ बलमा अलआउट हुँदै १ सय २६ रन जोडेको थियो ।

होबार्टका लागि  डी'आर्ची सर्टले ३२ रन जोड्दा  टिम डाभिडले २८ रन बनाए । सन्दीप २ रनमा आउट भए ।

एडिलेडका पिटर सिडेलले ५ विकेट लिए । राशिद खानले २ विकेट लिए ।

यस हारसँगै होबार्ट ९ खेलमा  १७ अंक जोडेर चौंथो स्थानमा रहेको छ ।

एडिलेड १३ अंक जोडेर छैटौं स्थान रहेको छ ।