काठमाडौं । हेन्रिच मालन आयरल्याण्ड पुरुष क्रिकेट टिमको मुख्य प्रशिक्षक चुनिएका छन् ।
आयरल्याण्डले मंगलबार मालनलाई मुख्य प्रशिक्षक नियुक्त गरेको हो ।
४० वर्षीय प्रशिक्षकले आयरल्याण्डसँग तीन वर्षको सम्झौता गरेका छन् ।
मालनले न्युजिल्याण्डको सहायक प्रशिक्षक भएर काम गरिसकेका छन् ।
हाल उनी अकल्याण्डको प्रशिक्षक रहेका छन् ।
मालनले मार्चबाट आयरल्याण्डको टिम सम्हाल्नेछन् ।
