सन्दीपले लिए एक विकेट  

काठमाडौं । बिग बास लिग (बीबीएल) टी-ट्वान्टी क्रिकेटमा ब्रिसबेन हिटले सन्दीप लामिछाने आबद्द होबार्ट हरिकेन्सलाई जितका लागि १ सय ५१  रनको लक्ष्य दिएको छ ।

टस हारेर पहिले ब्याटिङ गरेको ब्रिसबेनले २० ओभरमा ८ विकेट गुमाएर १ सय ५० रन बनायो ।

ब्रिसबेनका लागि जेम्स बाज्लेले अविजित रहदै सर्वाधिक ४४ रन बनाए ।

ज्याक विल्डरमुथले २८ रन जोड्दा साम हेअलेटले २४ रन बनाए । क्रिस लिन १३ रनमा आउट भए ।

होबार्टका नाथन एलिसले ३ तथा टम रोजर्सले २ विकेट लिए ।

सन्दीपले ४ ओभरमा ३७ रन खर्चिएर १ विकेट लिए ।

यस सिजन सन्दीपको यो छैटौं विकेट हो ।