काठमाडौं । भारतले एसीसी यू-१९ एसिया कप क्रिकेटको उपाधि जितेको छ ।
दुबईमा शुक्रबार भएको फाइनलमा श्रीलंकालाई डिएल पद्दतिको आधारमा ९ विकेटले हराउँदै भारतले उपाधि जितेको हो ।
भारतले आठौं पटक यू-१९ एसिया कप जितेको हो ।
श्रीलंकाले दिएको १ सय २ रनको लक्ष्य भारतले २१ ओभर ३ बलमा १ विकेट गुमाएर पूरा गर्यो ।
भारतका लागि अन्क्रिस रघुवंशीले अविजित रहदै ५६ रनको अर्धशतकीय इनिङ्स खेले ।
शाइक राहिदले अविजित ३१ रन बनाए । हर्नोर सिंहले ५ रन जोडे ।
श्रीलंकाका यासिरु रोड्रिगोले १ विकेट लिए ।
यस अघि टस जितेर पहिले ब्याटिङ गरेको श्रीलंकाले निर्धारित ३८ ओभरमा ९ विकेट गुमाएर १ सय ६ रन बनायो । तर, डीएलको आधारमा भारतले १ सय २ रनको नयाँ लक्ष्य पाएको हो ।
वर्षाले प्रभावित गरेपछि खेल ३८ ओभरमा झारिएको हो ।
श्रीलंकाका लागि यासिरु रोड्रिगोले अविजित रहदै सर्वाधिक १९ रन बनाए ।
यस्तै रभिन डी सिल्भाले १५ रन जोड्दा सदिशा राजपाक्षे र माथिस पाथिरानाले १४/१४ रन बनाए ।
अन्य खेलाडीले दोहोरो अंक जोड्न सकेनन् ।
भारतका भिक्की ओस्टवालले ३ तथा कौशल टाम्बेले २ विकेट लिए ।
यस अघि पहिलो सेमिफाइनलमा श्रीलंकाले पाकिस्तानलाई २२ रनले हराएको थियो।
दोस्रो सेमिफाइनलमा भारतले बंगलादेशलाई १ सय ३ रनले हराएर श्रीलंकासँग भेट पक्का गरेको थियो ।
