काठमाडौं । चितवनको कुरिनटारमा कर्पोरेट बिच क्रिकेट आयोजना हुने भएको छ ।
एन इन्भेस्टमेन्ट एण्ड ट्रेडर्स प्रालिको आयोजनामा हुने प्रतियोगिता माघको ७ र ८ गते हुनेछ ।
कुरिनटारको रिभर्साइट स्प्रिङ रिसोर्टमा आयोजना हुने प्रतियोगितामा १० कर्पोरेट टिमको सहभागिता रहनेछ ।
सहभागी टोलीलाई दुई समूहमा विभाजन गरेरे लिग कम नकआउटको आधारमा प्रतिस्पर्धा गराईनेछ ।
समूहको शीर्ष दुई टिमले सेमिफाइनलमा स्थान बनाउने छन् ।
हरेक टोलीमा ८ जना खेलाडी हुनु पर्नेछ । जसमा एक जना महिला खेलाडी अनिवार्य गरिएको छ ।
खेल पाँच ओभरको हुनेछ ।
प्रतियोगिताको मुख्य प्रायोजक जावलाखेल ग्रुप अफ इन्डस्ट्रिजको वार्स्टाइनर बियर रहेको छ ।
