काठमाडौं । भर्खरै अष्ट्रेलियाले एसेज सिरिज कब्जा गर्ने निश्चित भएको छ ।
घरेलु टिम इंग्ल्यान्डविरुद्ध ५ टेस्टको सिरिजमा ३–० ले अगाडि छ र लागि रहेको छ, अष्ट्रेलियाका लागि राम्रो भइरहेको छ ।
यस्तो भन्न कर लाग्छ, टेस्ट टिमको कप्तानका रूपमा फास्ट बलर प्याट कमिन्स खुबै छाएका छन् ।
अष्ट्रेलियाले उनको नेतृत्वमा राम्रो गर्ने छाँट देखाएको छ । त्यसो त उनी अष्ट्रेलियाली टिमका लागि पहिलो रोजाईका टेस्ट कप्तान होइनन् ।
उनका साथी खेलाडी टिम पेन विवादमा मुछिएपछि उनको भाग्य खुलेको हो । फेरि उनी किन पनि भाग्यमानी छन् भने समग्र विश्व क्रिकेटमा फास्ट बलर विरलै मात्र कप्तान भएका छन् ।
उनको नेतृत्वमा पहिलो प्रयासमै अष्ट्रेलियाले एसेज सिरिज जितेको हुनाले यस्तो पनि भन्न सुरु भएको छ, कमिन्सको नेतृत्वमा अष्ट्रेलिया अगाडि बढ्दै । यो के अर्थमा भन्दा कमिन्स खासै विवादमा परिरहने खालका खेलाडी होइनन् ।
अष्ट्रेलियाली क्रिकेटलाई भने सकेसम्म चाँडै आफ्नो छवि सुधार्नु छ ।
यसका लागि कमिन्स उपयुक्त पनि छन् । फेरि तीन टेस्टका १२ दिनमा उनले खुबै सटिक मात्र बलिङ गरेका छैनन्, आफ्ना साथी बलरलाई पनि उत्तिकै ठीक ढंगले परिचालन पनि गरेका छन् ।
त्यसको अर्थ के पनि हो भन्दा उनी अब लामै समयका लागि अष्ट्रेलियाली टिमका टेस्ट कप्तान पनि रहन सक्छन् ।
–बीबीसीको सहयोगमा ।
