यू-१९ टोली स्वदेश फिर्ता

काठमाडौं । एसीसी यू-१९ एसिया कप क्रिकेटमा सहभागिता  जनाएर नेपाली यू-१९ क्रिकेट टोली स्वदेश फर्किएका छन् ।

दुबईमा आयोजना भएको प्रतियोगिता खेलेर नेपाली टोली बिहीबार स्वदेश फर्किएका हुन् ।

नेपाल समूह चरणबाट बाहिरिएको थियो ।

समूह बी मा रहेको नेपाल अंक नजोडी घर फर्किएको हो।

नेपालले तीन खेलमा तीनै खेल हारेको थियो ।

पहिलो खेलमा नेपाल टेस्ट राष्ट्र बंगलादेशसँग १ सय ५४ रनले पराजित भएको थियो।

यस्तै दोस्रो खेलमा नेपाल टेस्ट राष्ट्र श्रीलंकासँग ६० रनले पराजित भएको थियो ।

अन्तिम खेलमा नेपाल कुवेतसँग १ विकेटले पराजित भएको थियो ।