श्रीलंका र बंगलादेशबीचको खेल स्थगित

काठमाडौं । एसीसी यू-१९ एसिया कप क्रिकेट अन्तर्गत श्रीलंका र बंगलादेशबीचको खेल स्थगित गरिएको छ ।

दुई अफिसियललाई कोभिड-१९ को संक्रमण पुष्टि भएपछि सारजाहमा जारी खेल स्थगित गरिएको हो ।

खेल स्थगित हुनु अघि बंगलादेशले ४ विकेट गुमाएर १ सय ३० रन बनाएको थियो ।

समूह बी मा रहेका श्रीलंका र बंगलादेश सेमिफाइनलमा पुगिसकेका छन् ।

यस खेलमा समूह विजेताको टुंगो लगाउने थियो ।