काठमाडौं । नेपाली लेग स्पिनर सन्दीप लामिछाने आबद्द होबार्ट हरिकेन्सले बिग बास लिग (बीबीएल) टी-ट्वान्टी क्रिकेटमा जित निकालेको छ ।
सोमबार भएको खेलमा होबार्टले एडिलेड स्ट्राइकर्सलाई ७ विकेटले हराएको हो ।
एडिलेडले दिएको १ सय ७६ रनको लक्ष्य होबार्टले १८ ओभर ३ बलमा ३ विकेट गुमाएर पूरा गर्यो ।
होबार्टको जितमा बेन म्याकडेरमोटले अविजित रहदै १ सय १० रनको शतकीय इनिङ्स खेले ।
यस्तै डी'आर्ची शर्टले ३७ रन जोडे ।
एडिलेडका जर्च गार्टन, पिटर सिडेल र राशिद खानले १/१ विकेट लिए ।
यस अघि टस जितेर पहिले ब्याटिङ गरेको एडिलेडले २० ओभरमा ५ विकेट गुमाएर १ सय ७५ रन बनाएको थियो ।
एडिलेडका माट रेन्शले ६३ रनको अर्धशतकीय इनिङ्स खेले । यस्तै जेक वेदरल्डले ५१ रनको अर्धशतकीय इनिङ्स खेले ।
थोमस केली २८ तथा जोनाथन वेल्स १७ रनमा आउट भए ।
होबार्टका रिले मेरिडिथले ३ विकेट लिए । टम रोजर्स र नाथन एलिसले १/१ विकेट लिए ।
सन्दीप विकेट विहीन भए । उनले ३ ओभर बलिङ गर्दै ३१ रन खर्चिए ।
जितसँगै होबार्ट ६ खेलमा १४ अंक जोडेर तेस्रो स्थानमा उक्लिएको छ ।
एडिलेड ७ अंक जोडेर छैटौं स्थानमा रहेको छ ।
