काठमाडौं । नेपाली लेग स्पिनर सन्दीप लामिछाने आबद्द होबार्ट हरिकेन्सले बिग बास लिग (बीबीएल) टी-ट्वान्टी क्रिकेटमा अहिले एडिलेड स्ट्राइकर्ससँग प्रतिस्पर्धा गरिरहेको छ ।
होबार्टमा एडिलेडले घरेलु टोलीलाई जितका लागि १ सय ७६ रनको लक्ष्य दिएको छ।
टस जितेर पहिले ब्याटिङ गरेको एडिलेडले २० ओभरमा ५ विकेट गुमाएर १ सय ७५ रन बनायो ।
एडिलेडका माट रेन्शले ६३ रनको अर्धशतकीय इनिङ्स खेले । यस्तै जेक वेदरल्डले ५१ रनको अर्धशतकीय इनिङ्स खेले ।
थोमस केली २८ तथा जोनाथन वेल्स १७ रनमा आउट भए ।
होबार्टका रिले मेरिडिथले ३ विकेट लिए । टम रोजर्स र नाथन एलिसले १/१ विकेट लिए ।
सन्दीप विकेट विहीन भए । उनले ३ ओभर बलिङ गर्दै ३१ रन खर्चिए ।
होबार्टको यो छैटौं खेल हो । होबार्ट १० अंक जोडेर चौथो स्थानमा रहेको छ ।
एडिलेड ७ अंक जोडेर छैटौं स्थानमा रहेको छ ।
