काठमाडौं । चौतारा साँगाचोकगढी मेयर कप खूल्ला हाफ म्याराथन आयोजना हुने भएको छ ।
चौतारा साँगाचोकगढी नगर खेलकुद विकास समितिको आयोजना प्रतियोगिता पुस २४ गते हुनेछ ।
प्रतियोगिता चौतारा साँगाचोकगढी नगरपालिकामा हुनेछ ।
प्रतियोगितामा खुल्लातर्फ महिला पुरुष, भेट्रान्स र स्थानीय इभेन्ट्समा प्रतिस्पर्धा हुनेछ ।
हाफ म्याराथनको महिला र पुरुषतर्फको विजेताले ४४ हजार ४ सय ४४ रुपैयाँ प्राप्त गर्दा उपविजेताले २२ हजार २ सय २२ रुपैयाँ पाउने छन् ।
यस्तै तेस्रोले ११ हजार १ सय ११ र चौंथोले ५ हजार ५ सय ५५ पाउने छन् ।
४० देखि ५५ उमेर समूहको भेट्रान्सको विजेताले ९ हजार ९ सय ९९, उपविजेताले ५ हजार ५ सय ५५ र तेस्रोले ३ हजार ३ सय ३३ रुपैयाँ पाउने छन् ।
यस्तै ५५ वर्ष माथिका सुपर भेट्रान्सको विजेताले ५ हजार ५ सय ५५ तथा स्थानीय तर्फको विजेताले पनि ५ हजार ५ सय ५५ पाउने छन् ।
