अनितालाई ज्यापु प्रतिभा सम्मान 

काठमाडौं । टेबुल टेनिसकी अन्तराष्ट्रिय खेलाडी अनिता महर्जनलाई ज्यापु प्रतिभा सम्मानबाट सम्मानित गरिएको छ । 

आईतबार ज्यापु संस्कृति विकास कोषले महर्जनलाई १० हजार नगद सहित ज्यापु प्रतिभाबाट सम्मान गरेको हो ।

टेबुल टेनिस खेलको माध्यमबाट राष्ट्रयलाई योगदान पुर्याएको भन्दै अनितालाई सम्मान गरिएको हो । 

प्रधानमन्त्री शेरबहादुर देउवालाई अनितालाई ताम्रपत्र सहित सम्मान गरेका थिए ।

कोषले विभिन्न क्षेत्रका व्यक्तित्वलाई विश्व ज्यापु दिवसको अवसर पारेर सम्मान गरेको हो । 

महर्जन युकेको एरोबिक टेबुल टेनिसकी नेपाल एम्बास्डर समेत हुन् ।

उनले आफ्नै एकेडेमी सञ्चालन गरेर टेबुल टेनिसको प्रशिक्षण दिदै आएकी छिन् । 

उनी एपीएफबाट व्यवसायीक रुपमा टेबुल टेनिस खेल्दै आएकी छिन् ।