काठमाडौं । सहिद स्मारक 'ए' डिभिजन लिग फुटबलमा अहिले नवप्रवेशी क्लब सातदोबाटो युथ क्लब र थ्री स्टार क्लबबीच प्रतिस्पर्धा भईरहेको छ ।
त्रिपुरेश्वरस्थित दशरथ रंगशालामा जारी खेलको पहिलो हाफ सकिदा सातदोबाटोले १-० गोलको अग्रता बनाएको छ ।
खेलको २९ औं मिनेटमा सुदिप गुरुङले गोल गर्दै सातदोबाटोलाई सुरुआती अग्रता दिलाएका हुन् ।
मार्टीन्स अजयीले उपलब्ध गराएको पासमा अनमार्क रहेका सुदिपले डिबक्सको ठिक बाहिरबाट सुन्दर गोल गरे ।
खेलको ३६ औं मिनेटमा सातदोबाटोका निरज चौधरीले गोलको अवसर खेर फाले । शुशील राईको पासमा पेनाल्टी क्षेत्रभित्रबाट निरजले बाहिर प्रहार गरे ।
यस्तै ३७ औं मिनेटमा थ्री स्टारका ऋतिक कुमार खड्काले २५ यार्डबाट गरेको शशक्त प्रहार सातदोबाटोका गोलकिपर अविशेक बरालले उत्कृष्ट बचाउ गरे ।
आज थ्री स्टार दोस्रो जितको खोजिमा रहेको छ । सातदोबाटो पहिलो जित निकाल्न चाहन्छ ।
