काठमाडौं । सहिद स्मारक 'ए' डिभिजन लिग २०७८ अन्तर्गत पहिलो चरणको खेलहरु सकिएको छ ।
त्रिपुरेश्वरस्थित दशरथ रंगशालामा सोमबार मछिन्द्र फुटबल क्लब र न्युरोड टिम (एनआरटी) बीचको खेलसँगै पहिलो चरणको खेल सकिएको हो ।
गत शुक्रबार सुरु लिगको पहिलो चरणको ७ खेल सकिदा चार टोलीले स्पस्ट जित निकाल्दै ३ अंक जोडेको छ । ६ टोलीले एक अंक जोड्दा चार टोलीले पछिलो चरणमा अंक जोड्न सकेनन् ।
पहिलो चरण सकिदा थ्री स्टार ३ अंकसहित शीर्ष स्थानमा रहेको छ । पहिलो खेलमा छिमेकी प्रतिद्वन्दी च्यासल युथ क्लबलाई ३-० ले हराएको थ्री स्टारले अंक तालिकाको शीर्ष स्थान हासिल गरेको हो ।
पहिलो खेलको सानदार जितले थ्री स्टारको उपाधि दाबेदारिता देखिएको छ । यस जितले टिमको मनोबल उच्च बनेको छ ।
'यो जितले केहि सजिलो भएको छ। अझै राम्रो गर्दै जान हौसला मिलेको छ । आगामी खेलमा अझ मेहेनत गर्छौ,' थ्री स्टारमा प्रशिक्षक उर्जन श्रेष्ठ भन्छन् ।
![May be an image of 3 people, people playing sports, people standing and outdoors](https://scontent.fbwa1-1.fna.fbcdn.net/v/t39.30808-6/259557129_937477633533567_7333271173653942320_n.jpg?_nc_cat=104&ccb=1-5&_nc_sid=0debeb&_nc_ohc=7ug_MGaNYOYAX-Fqhlx&_nc_ht=scontent.fbwa1-1.fna&oh=092923f28037914dfc8dc44c0b17556b&oe=61A05961)
ब्रिगेड ब्वाइज ३ अंक जोडेर दोस्रो स्थानमा रहेको छ । पहिलो खेलमा ब्रिगेडले एपीएफ क्लबलाई ३-२ गोल अन्तरले पराजित गरेको हो ।
ब्रिगेड र एपीएफबीचको खेल पहिलो चरणमा सर्वाधिक धेरै गोल निस्किएको खेल बन्यो ।
पहिलो खेलमै जित निकालेपछि ब्रिगेडका सनोज श्रेष्ठ खुशी देखिए । उनले पहिलो खेल महत्वपूर्ण रहेको र जितले टिमलाई ठूलो राहत पुगेको बताए ।
एनआरटीविरुद्धको जितसँगै उपाधि दाबेदार मछिन्द्र पहिलो चरण सकिदा तेस्रो स्थानमा रह्यो । जितपछि मछिन्द्रका मुख्य प्रशिक्षक प्रवेश कटवालले खुशी प्रकट गरे ।
'एनआरटीसँग नेपालमा भएका राम्रो अफ्रिकन स्ट्राइकर थिए । त्यसले गर्दा हामीलाई पहिलो खेलमा गार्हो हुन्थ्यो । त्यहिँ पनि हामीले ३ अंक पायौं । त्यसैमा खुशी छु ,' प्रवेशले भने ।
उपाधि दाबेदार मनाङ मर्स्याङ्दी ३ अंक जोडेर चौंथो स्थानमा रहेको छ ।
कीर्तिमानी आठ पटकको च्याम्पियन मनाङले पहिलो खेलमा जावलाखेल युथ क्लबमाथि १-० को साँघुरो जित निकालेको थियो ।
जावलाखेलविरुद्धको साँघुरो जितले मुख्य प्रशिक्षक राजेन्द्र तामाङ खासै खुशी देखिएनन् ।
'हामीले जुन खेल खेल्नु पर्ने थियो । अट्याकीङमा जुन पोजिसन राख्नु पर्ने थियो त्यो ठाउमा राख्न सकिएन । पछि पोजिसन राखेपछि गोल निस्कियो,' उनको प्रतिक्रिया थियो ।
पहिलो चरणको अन्तिम खेलमा मछिन्द्र फुटबल क्लबले एनआरटीलाई २-१ गोल अन्तरले हरायो । यस जितसँगै साविक विजेता मछिन्द्रले पहिलो खेलमै महत्वपूर्ण ३ अंक जोड्यो ।
![May be an image of 7 people and grass](https://scontent.fbwa1-1.fna.fbcdn.net/v/t39.30808-6/260322890_938274443453886_4375869032927857899_n.jpg?_nc_cat=107&ccb=1-5&_nc_sid=0debeb&_nc_ohc=1PEV_emqYMwAX9g-c0k&_nc_ht=scontent.fbwa1-1.fna&oh=5deaf1cd3999b1cd3d1ff25481caf431&oe=61A0052B)
यस्तै तालिकाको पाँचौं स्थानमा हिमालयन शेर्पा रहेको छ । १ अंक जोडेको शेर्पाले पहिलो खेलमा संकटा क्लबसँग १-१ गोलको बराबरी खेलेको थियो । संकटा १ अंक जोडेर आठौं स्थानमा रहेको छ ।
तालिकाको छैटौं स्थानमा त्रिभुवन आर्मी क्लब रहेको छ । विभागीय डर्बीमा नेपाल पुलिस क्लबसँग १-१ गोलको बराबरी खेलेको आर्मीले १ अंक जोडेको छ । पुलिस १ अंक जोडेर सातौं स्थानमा रहेको छ ।
यस्तै नवप्रवेशी क्लब सातदोबाटो युथ क्लब १ अंक जोडेर दशौँ स्थानमा रहेको छ । सातदोबाटोले पहिलो खेलमा फ्रेन्ड्स क्लब कुपन्डोलसँग १-१ गोलको बराबरी खेलेको थियो । फ्रेन्ड्स नवौं स्थानमा रहेको छ ।
त्यस्तै अंक विहीन एपीएफ ११ औं, एनआरटी १२ औं, जवालाखेल १३ औं र च्यासल युथ क्लब पुछारमा रहेका छन् ।
दोस्रो चरणको खेलहरु शुक्रबारबाट सुरु हुनेछ । दोस्रो चरणको पहिलो खेलमा लिग लिडर थ्री स्टारले सातदोबाटो युथसँग प्रतिस्पर्धा गर्नेछ । त्यहिँ दिन संकटा क्लब र फ्रेन्ड्स क्लबबीच प्रतिस्पर्धा हुनेछ ।
अंक तालिका :