काठमाडौं । सहिद स्मारक ए डिभिजन लिग अन्तर्गत अहिले ब्रिगेड ब्वाइज र नेपाल एपीएफ क्लबीच खेल भइरहेको छ ।
त्रिपुरेश्वरस्थित दशरथ रंगशालामा जारी खेलमा दुबै टोलीले एक–एक गोल गरेका छन् ।
खेलको ११ औ मिनेटमा गोल गर्दै ब्रिगेड ब्वाईजले अग्रता बनाएको थियो ।
दिनेश राईले फ्रिकिकमार्फत गोल गर्दै ब्रिगेड ब्वाइजलाई अग्रता दिएका थिए ।
तर पाँच मिनेटभित्रै एपीएफले खेल बराबरीमा ल्याएको थियो ।
आशिष लामाले १६ औ मिनेटमा एपीएफका लागि गोल गर्दै खेललाई १–१ को अवस्थामा पुर्याए ।
लिग अन्तर्गत दुबै टोलीले आफ्नो पहिलो खेल खेल्दैछन् ।
लिग अन्तर्गत १४ टिम सहभागि रहेका छन् ।
सिंगल फर्मेटमा भइरहेको लिगको पुछारमा रहने दुई टोली रेलिगेशनमा पर्नेछन् ।
