सातदोबाटोको कप्तानी मान बहादुरले गर्ने

काठमाडौं । सहिद स्मारक ए डिभिजन लिग फुटबलमा सातदोबाटो युथ क्लबको कप्तानी मान बहादुर तामाङले गर्ने भएका छन् ।

डिफेन्डर मान बहादुरले मंगलबार क्लबले आफुलाई कप्तानीको जिम्मेवारी दिएको बताएका छन् ।

मानबहादुर यसै वर्षका लागि सातदोबाटोमा अनुबन्धित भएका हुन्  ।

उनले यस अघि हिमालयन शेर्पाको कप्तानी गरिसकेका छन् ।

सातदोबाटो यसै सिजन ए डिभिजनमा बढुवा भएको क्लब हो ।

यस वर्षको लिग शुक्रबारबाट सुरु हुँदैछ ।

लिगको उद्घाटनमा सातदोबाटोले शुक्रबार फ्रेन्ड्स क्लब कुपन्डोलसँग प्रतिस्पर्धा गर्नेछ ।

यस्तै सातदोबाटोले यस वर्षको लिगका लागि सुशिल राई, आदित्य शाक्य, निशान थापा मगर, अजयी मार्टिन्स र  सिफामण्डला माथेनज्वालाई अनुबन्ध गरेको छ ।