काठमाडौं । नेपालको राष्ट्रिय महिला क्रिकेट टिमले कतारसँग टी ट्वान्टी सिरिज खेल्ने भएको छ ।
विश्वकपको एसिया छनोटको तयारीमा रहेको नेपालले कतारसँग तीन म्याचको टी ट्वान्टी सिरिज खेल्ने पक्का भएको हो ।
कतारसँग सिरिज खेल्नका लागि नेपाली टिम भोलि (आईतबार) कतार प्रस्थान गर्ने कार्यक्रम रहेको नेपाल क्रिकेट संघ क्यानले जनाएको छ ।
क्यानका अनुसार राष्ट्रिय महिला क्रिकेट टिम बिहान ९ बजेर १० मिनेटमा कतार प्रस्थान गर्नेछ ।
कतारमा नेपालले त्रिकोणात्मक सिरिज खेल्ने समेत क्यानले जनाएको छ ।
नेपाली टिमले भर्खरै बंगलादेशमा तयारी सकेर स्वदेश फर्किएको थियो । बंगलादेशमा रहदा नेपाली टिमले बंगलादेशको स्थानीय टिमसँग त्रिकोणात्मक सिरिज खेलेको थियो ।
नेपाली टिमले सो सिरिज जितेको थियो ।
क्यानले विश्वकपको एसिया छनोटका लागि नेपाली टिम नोभेम्बर १९ मा दुबई प्रस्थान गर्ने जनाएको छ । नेपाली टिम १४ सदस्यीय रहेको छ ।
