मनाङको मुख्य प्रायोजकमा आयल निगम

काठमाडौं । सहिद स्मारक 'ए' डिभिजन लिग क्लब मनाङ मर्स्याङदी क्लबलाई सरकारी स्वामित्वमा रहेको नेपाल आयल निगमले पुन: प्रायोजन गरेको छ ।

कीर्तिमानी आठौं पटक च्याम्पियन मनाङलाई थप एक वर्षको लागि आयल निगमले मुख्य प्रायोजकको रुपमा प्रायोजन गरेको हो ।

यस अघि पनि आयल निगमले मनाङलाई एक वर्षको लागि प्रायोजन गरेको थियो  ।

मनाङले बिहीबार आयल निगमसँग औपचारिक रुपमा सम्झौता गरेको छ ।

सम्झौता अनुसार मनाङलाई आयल निगमले ३५ लाख उपलब्ध गराउने छ ।

यस्तै मनाङले आसन्न सहिद स्मारक ‘ए’ डिभिजन लिगमा नेपाल आयल निगमको लोगो र नाम अंकित जर्सी प्रयोग गर्नेछ  ।  

यस सिजनको ‘ए’ डिभिजन लिग कात्तिक २९ गतेबाट सुरु हुँदैछ ।