सेल्टा भिगोको सहज जित  

काठमाडौं । स्पेनिस ला लिगा फुटबलमा सेल्टा भिगोले सहज जित निकालेको छ ।

सोमबार राति भएको खेलमा सेल्टाले ९ खेलाडीमा सिमित गेटाफेलाई ३-० गोल अन्तरले पराजित गरेको हो ।

सेल्टाको जितमा सान्टी मिनाले दुई गोल गरे । इयागो आसपसले एक गोल गरे ।

खेलको ५५ औं मिनेटमा मिनाले गोल गर्दै सेल्टालाई सुरुआती अग्रता दिलाएका थिए ।

५८ औं मिनेटमा आसपसले गोल गर्दै टिमको अग्रता २-० को बनाए ।

६३ औं मिनेटमा डेजनले रातो कार्ड पाएपछि गेटाफे १० खेलाडीमा समेटिएको थियो ।

खेलको ७३ औं मिनेटमा मिनाले व्यक्तिगत दोस्रो गोल गर्दै सेल्टालाई ३-० को जित दिलाए ।

त्यस्तै खेलको ८१ औं मिनेटमा चेमाले रातो कार्ड पाएपछि गेटाफे ९ खेलाडीमा समेटिएको थियो ।

यस जितसँगै सेल्टाले १० अंक जोडेको छ ।

सेल्टा १४ औं स्थानमा रहेको छ ।

गेटाफे २ अंक जोडेर पुछारमा रहेको छ ।