काठमाडौं । कोभिडविरुद्धको खोप नगाएपनि खेलाडीहरुले अष्ट्रेलियन ओपन टेनिसमा सहभागिता जनाउन पाउने भएका छन् ।
खोप नगाएका खेलाडीहरु १४ दिनको क्वारेन्टाइन बसाईपछि अष्ट्रेलियन ओपनमा सहभागिता जनाउन पाउने भएका हुन् ।
डब्लुटिए टुरले आफ्ना खेलाडीहरुलाई लेखेको इमेल सार्वजनिक भएपछि यो कुरा बाहिर आएको हो ।
तर गत हप्ता नै अष्ट्रेलियाका आप्रवासन मन्त्री एलेक्स हकले सो ग्रान्ड स्लाम टेनिसका लागि भिसा प्राप्त गर्न खेलाडीहरुले अनिवार्य रुपमा खोपको पूर्णमात्रा लगाएको हुनुपर्ने बताएका थिए ।
ठूलो संख्यामा महिला तथा पुरुष टेनिस खेलाडीहरुले कोभिडविरुद्धको खोप लगाएका छैनन ।
