अबका न्युकासल व्यवस्थापक को ?

काठमाडौं । यो तथ्य आधिकारिक भइसकेको छ, न्युकासल युनाइटेड नयाँ व्यवस्थापकको खोजीमा छन् ।

साउदी अरेबियाली लगानी निश्चित भएको १३ दिनपछि नै यसअघिका व्यवस्थापक स्टिभ ब्रुस बर्खास्तीमा परे । क्लब इंग्लिस प्रिमियर लिगको १९ औं स्थानमा रहेको छ र उनको बर्खास्ती स्वभाविक पनि रहेको छ ।

अहिले तत्काल न्युकासलका मुख्य लय रेलिगेसन क्षेत्र छाड्ने नै हुनेछ । यस्तोमा प्रश्न त्यही हो, नयाँ व्यवस्थापक को हुनेछन् र यसलाई लिएर विभिन्न अडकालबाजी पनि सुरु भएको छ ।

अहिलेको नयाँ लगानीकर्ता न्युकासलले धेरै भन्दा धेरै उपाधि जितोस भन्न चाहन्छ । त्यसका लागि धेरै भन्दा धेरै लगानी गर्न पनि तयार छ ।

अबका केही खेलमा क्रिस वाडलले निमित्त व्यवस्थापकको भूमिका खेल्नेछन् । बेलायती मिडियाले त अहिले नै सम्भावित प्रशिक्षकको सूची नै तयार पारिसकेका छन् र त्यसको सबैभन्दा शीर्ष स्थानमा छन्, जिनेदिन जिदान ।