वेस्ट इन्डिजलाई धक्का, एलनले विश्वकप गुमाउने

काठमाडौं । आईसीसी टी-ट्वान्टी विश्वकप क्रिकेट अघि साविक विजेता वेस्ट इन्डिजलाई ठूलो धक्का लागेको छ ।

वेस्ट इन्डिजका अलराउन्डर फाबियन एलन प्रतियोगिताबाट बाहिरिएका छन् ।

एंकल चोटका कारण एलनलाई विश्वकप खेल्ने टोलीबाट फिर्ता बोलाइएको छ ।

वेस्ट इन्डिजले उनको स्थानमा अकेल होसेनलाई टोलीमा समावेश गरेको छ । यस अघि रिजर्भ सूचीमा रहेका होसेनको स्थानमा गुडाकेस मोटीलाई बोलाइएको छ ।

एलन आईसीसी टी-ट्वान्टी वरीयताको बलिङतर्फ १६ तथा अलराउन्डतर्फ १७ स्थानमा छन् ।